Hinn fallegi félagsskapur, Limsfélagið, ætlar að fara í sína árlegu vísindaferð nk. laugardag. Þar sem félagsskapurinn er áhættufjárfestingafélag um hrossarækt, var hinn ungi og efnilegi Kolfinnur frá Varmá sendur á slóðir Kötlu um leið og hún lét á sér kræla (líftryggingin á honum var að vísu hækkuð). En þar sem Limsfélagar eru á ferð mega ekki vera lengra en 10 mín á milli pissustaða (veit ekki hvort það er að þeir séu orðnir gamlir, eða drekka mikið) þá er ákveðið að fara upp í Tungur í heimsókn í Dalsholt. Einnig verður Kolfinnur og fyrsta tamda afkvæmi Glaums frá Geirmundarstöðum skoðað einhverstaðar í nágrenninu og margt fleira gert sér og öðrum til skemmtunar.
Það stefnir í sólríkan og skemmtilegan laugardag svo það er um að gera að skrá sig í ferðina.
Farið verður frá Reiðhöllinni í Víðidal kl:9:30 á laugardaginn í rútu, skráning þarf að berast fyrir hádegi föstudaginn 14,október n.k. í síma :698-8370