Á vordögum kvöddum við svo  Glaum sem fluttist búferlum til Danmerkur

Um svipað leyti var  orðið fullljóst að Alsæll yrði ekki framtíðarsonur Limsfélagsins sökum smæðar sinnar og var þar af leiðandi seldur á heimaslóðir.

Kolfinnur fór í kynbótadóm í 5 vetra flokki og hlaut 8,24 í aðaleinkunn.

 Til þess að halda skemmtifélagi lifandi þarf að hafa eitthvað til að skemmta sér yfir og sú skemmtun í Limsfélaginu felst í því m.a. að finna og koma á legg álitlegum hestfolöldum og því var farið að ræða fjarfestingu í nýrri vonarstjörnu á haustmánuðum. Lagst var undir feld með Worldfeng sem leitarvél og grafið í afkvæmasögu stjarnanna ,eftir mikið copy,paste og delete varð NN frá Finnastöðum fyrir valinu ,sonur Þráins frá Flagbjarnarholti og Sögu frá Bakka og eru hlutir í honum nánast uppseldir þegar þessi orð eru skrifuð.

Einn laugardag um miðjan nóvember var Forleikur heimsóttur og þótti viðstöddum folinn býsna álitlegur.

Nú eru allir folar félgasins komnir á sinn stað fyrir veturinn,Kolfinnur og Forleikur undir hnakk og NN kominn á hús.

Næsti viðburður félagsins er Hrossakjötveislan 12.janúar 2019 og vonandi fjölmenna félagar og makar á þessa farsælu skemmtun.

Að lokum má minna fyrrum eigendur Glaums á að hafa samband  á limsfelag@gmail.com og gefa upp umbeðnar upplýsingar sem beðið var um í  símaskilaboðum tl þeirra.

Gleðillegt ár og takk fyrir þau gömlu