Móðirin Hörpudís frá Kjarnholtum

Kolfinnur Spunasonur

Ræktunarferð Fáks og Limsverja

Þá er Þrettándagleði Limsfélagsins og kynbótanefndar Fáks afstaðin.

Geiri réttur bauð gesti velkomna með sinum kunnu töktum og skenkti  brennivínsstaup í leiðinni.

Andi Jóns Helga sveif yfir og að sjálfsögðu var stóll frátekinn fyrir snillinginn. Eftir vel  heppnuð viðskipti  arftakans Silla Ægis og Sigurðar Eiríksstaðavíkings,nostraði hann  svo við  matinn að hrossakjöts Simmi Ólafs lagði ekki í að smakka en ekki hvarflaði að nokkrum hrossakjötssérfræðingi  sem það gerði  að gera nokkrar athugasemdir. Eftir að Brokkkórinn undir styrkri stjórn Magga Kjartans  hafði sungið nokkur lög boðaði eilífðartöffarinn Siggi Svavars ,sveitadrenginn Guðmund Birki Þorkelsson fyrstan í pontu. Guðmundur Birkir sagði meðal annars að Flóadrengurinn Guðni Ágústsson hefði aldrei séð tær fossagil og læki sem kórinn söng um,hann þekkti bara flóaveituna,grugguga leka fram hjá Brúnastöðum.

Því næst veitti Garðar biskup kynbótanefndar,  verðlaun fyrir  hæst dæmdu kynbótahross í öllum flokkum,  ræktuð af Fáksverjum. Að sjálfsögðu tengdi Guðmundur Birkir skyldleika hrossanna við Óðu Rauðku eins og við átti,svona til mótvægis við  Snældu Sigurðar frá Brún,hvað annað?

Brokkórinn hélt sínum íðilfögru röddum heitum og seldi almanök til styrktar Berlínarför sinni 2013, á milli laga.

Næstur var Bjarni á Þóroddsstöðum ræðumaður kvöldsins með sína þéttu rödd. Bjarni fór aðeins í gegnum þá trú föðurs síns Þorkels Bjarnasonar heitins  að atgervi íslenska gæðingsins skuli vera :

Léttstígur,viljugur ,rúmur og flugvakur gæðingur,á traustum fótum að sjálfsögðu. Birkir skyldi það vera Nói?

Bjarni kom líka inná skoðun sína á ræktun klárhrossa sem hann kallaði skammvinnan gróða fítus og þarf það engum að koma á óvart.

Ekki gleymdist Flosa þáttur Ólafssonar sem fararstjóra í hestaferðum yfir þýskum kerlingum fyrir Þorkel í mörg sumur.

Einhverju sinni lagði Flosi upp í ferð á Laugarvatni á Krumma sem Keli hafði arfleitt hann af. Klárinn hafði verði Kela erfiður á yngri árum.Ansans klárinn tók upp á því að láta eins og vitleysingur með stórleikarann,jú kallinn hafði brókað sig í reiðstakk ráðunautarins.

Í haustferð Limsfélgsins í Borgarfjörðinn fékk Birkir það snilldarhugboð að eigin sögn að bjóða Bjarna Þór Bjarnasyni listmálara að mæta með málverk á þrettándagleðina og viti menn snllingurinn þakkaði fyrir sig með glæsimálverki af Glymi í farteskinu sem var boðið upp og fékk Dropinn félag sykursjúkra barna andvirðið. Einnig málaði Bjarni Þór portrett sem  Limsfélagið afhenti Sigurði Matthíassyni til eignar.

Að sjálfsögðu kann Límsfélagið að meta góða skemmtun og heiðraði Guðna Ágústsson og Laugarvatnsbræður . Brúnastaðastrákurinn leyfði Laugarvatnsdrengnum ekki að eiga síðasta orð kvöldsins- Hverju svarar Birkir að ári????

Hafi allir viðstaddir þökk fyrir góða skemmtun og starfsfólk kvöldsins fá alveg sérstakar þakkir fyrir vel unnin störf.

Sjá myndir frá kvöldinu í myndaalbúmi síðunnar.

H.S.

Laugardagsmorgun þ.24.nóv.s.l.,fljúgjandi hálka í borginni og varla stætt .  En þá er bara að sanda braut af bílastæðinu inn að  Reiðhallaranddyri.  Hinn hundtryggi  Eggert einkabílstjóri  Limsfélagsins er mættur á rútunni  á slaginu.  Og þá er að hasta okkur uppá Skaga að vísitera fyrsta tamningardýrið undan Limnum.

Hersteinn heitir prinsinn sem fær þann heiður að verða fyrstur afkvæma Lims  í tamningu svo vitað sé. Hann var í húsi ásamt föður sínum sínum.  Eitthvað hafði farist fyrir að sinna folanum þær tvær vikur sem húsvistin var orðinn,.  Frumraun folans undir hnakk  fór fram kvöldið áður en tamningamaðurinn kallar ekki allt ömmu sína og lét  vaða út á götu.  Folinn tók til fótanna með stæl á mýktarsveiflubrokki  og stakk hjálparhestinn af eins  og upprennandi gæðingur.

Eins og sannir gestgjafar sýndu Skagamenn  Limsverjum einn annan alvöru gæðing í reið. Ingibergur lagði á 1v.stóðhestinn  Ægi frá Efri-Hrepp sem var járnaður í tilefni dagsins.  Ægir fór létt með tvo skeiðspretti enda með 9,5 fyrir skeið.

Að  þessari gullmola sýningu lokinni var haldið niður í bæ í  gallery Bjarna Þórs Bjarnasonar,þar sem við tók önnur gullaldarsýning en nú á striga ásamt léttum veitingum.

Með stjörnur í augum skunduðum við í Pizzu og öl,og haft er á orði  á Skaganum að ekki hafi sést eins á götum bæjarins  í langan tíma eins myndarlegir  menn, þá aðallega á þvervegin.

Ræs  í rútu og haldið til Jakobs Sigurðssonar  í Steinsholt .  Eins og vænta mátti var þar fullt hús gæðinga og gæðingsefna og fór Kobbi yfir  sviðið af sinni alkunnu hógværð. Þegar sest var í kaffistofuna varð úr svo fjölbreytt sögustund að menn gleymdu sér fram í myrkur svo íþróttaknapinn 2012 slapp við að fara í hnakkinn.

Hafi allir ferðafélagar og gestgjafar þökk fyrir léttan og ánægjulegan  dag.

En það er af Limi að segja að hann er á leið í geymslu og í létt trimm í Borgarfirðinum fram eftir vetri

Handrit (ekki skuldlaust) HS