Það er ljóst hvað verður í jólapökkunum í ár hjá hestamönnum og hrossaræktendum, því frelsarinn er fæddur. Frami Framtíðar- og Aríonssonur mun gleðja hjarta hrossaræktandans og ylja honum á köldum vetrarnóttum næstu árin því vonin mun leiða okkur á braut hamingjunnar þangað til við uppskerum frægð og FRAMA.

 

Meistari Arion

 

Góð þátttaka og mikil stemmning var í haustferð Limsfélagsins sem farin var laugardaginn 4. okt. Tilefni ferðarinnar var að þiggja heimboð til Jónsa og Gullu (kennda við Skalla í Hraunbæ) að Breiðabakka Wall Street í Holta-og Landssveit. Til upprifjunar var í fyrstu feluleiksferð Limsfélagsins, sem farin var haustið 2009 til að skoða Lim sem þá var í frumtamningu, var komið við á Breiðabakka hjá Jónsa og Gullu og talað um að seinna yrði um alvöru heimsókn að ræða.

Fyrsti viðkomustaður í ferðinni var í Syðri-Gegnishólum hjá hrossaræktendum árins 2013 Bergi og Olil. En eins og flestir vita er þar rekið eitt öflugusta hrossaræktarbú landsins. Bergur bóndi og hans fremsti maður tóku höfðinglega á móti ferðalöngum er þeir stukku inn í glæsilega tengibyggingu reiðhallar og hestshúss undan sunnlensku slagveðri. Bergur lóðsaði gesti um hesthúsin sem geta hýst tæplega 100 hross og upplýsti  um ættir og hæfileika gæðingsefnanna í húsinu.

Næst var komið við í Dalbæ þar sem Spunasynirnir Glaumur og Kolfinnur eru í góðu yfirlæti. Flestir hluthafar voru sammála um að Kolfinnur þroskaðist vel og væri bæði fallegur og snaggaralegur (og ekki ljúga þeir). Þegar dregið var undan Glaum eftir frábæra för á Landsmótið fékk Skagfirska goðið  (Halli Bjarka) þá snilldarhugmynd að halda skeifunum til haga sem var og gert.

Áfram var haldið austur Flóann til listakonunnar Siggu á Grund sem ætlaði að sýna gestum tvo af fimmgöngurunum, brokkarann og skeiðhestinn. Töltarinn var að heiman en fet og stökk hestarnir eru í vinnslu. Það má með sanni segja að skeiðhesturinn hennar Siggu er líklega glæsilegasta hestalistaverk sem gert hefur verið með fullri virðingu fyrir öðrum listamönnum.
En hvað varð um skeifur Glaums. Öllum af óvörum afhjúpaði Sigga listskúlptúrinn Glaumsjárn, en tilgangurinn helgar meðalið því hluti verksins var drukkinn af stút á staðnum. Hér eftir mæta Limsverjar ekki tómhentir til veislu því eitt af undrum Glaumsjárnsins er að það má aldrei þorna í því (vín)dropinn. Einnig var Jónsa og Gullu gefin mynd af þeim því eftir smá spæjaraleik við Skallaafvæmin skýrðist hin fullkomna sviðsmynd fyrir listamálarann Bjarna Þór til að teikna og mála flotta mynd af þeim heiðurshjónum (sjá teikningu).
Limsverjar og gestir þeirra þakka öllum gestgjöfunum fyrir frábæran dag. 

 

Nú styttist  í hina árlegu haustferð Lims/Glaums/Kolfinnssverja sem farin verður laugardaginn 4. okt. frá Guðmundarstofu í félagsheimili Fáks. Ferðin verður ekki opinberuð frekar en vani hefur verið með fyrri ferðir. En er ófullburða hugmynd sem  var reifuð upp úr LM og virðist hún ætla að vera tær snilld í snillingshöndum - sjón verður sögu ríkari. En svona til að lækka tilhlökkunarblóðþrýstinginn að þá er ætlunin m.a.að kíkja á Spunasyni Limsfélagsins.

Limsverjar, sjáumst að vanda hressir þann 4. okt. (megið vera fýldir alla hina daga ársins) en vinsamlega tilkynnið þátttöku fyrir kl. 12 föstudag 3. okt. í síma 698-8370 (Helgi). Tími á brottför kl.10 Örfá sæti laus.

Skemmtinefnd Limsfélagsins

Limurinn dvelur í hvíldar og endurhæfingarbúðum á Kjalarnesinu hinu fagra og veðursæla. Lim vantaði félagsskap í haust og sá Helgi yfirfrímúrari um málið að sínum alkunna dugnaði. Eitthvað fóru mál þó öðruvísi en ætlað var og sendi yfirkjalarnesgoðið honum eftirfarandi orðsendingu með bréfdúfu þar sem hann fer yfir málin með honum og útskýrir hugmyndafræðina um býfluguna og blómið. 

Sæll Helgi.

Málið varðar það sem okkur er ávallt efst í huga en það er Limurinn og notkun á honum á haustin.

Fyrst var hjá honum handónýt hryssubeygla sem hann átti ekki möguleika að fylja. Múrsvínið ætlaði aldeilis að sanna yfirburðar frjósemi Limsins og setti gamlan gelding til hans. Hann hafði þó vit á því að láta járna geldinginn upp, áður en hann var settur í Limgerðið, svo hann gæti varið sig almennilega ef til styrjaldar kæmi. Helgi sagði að klárinn héti Ó-lim-puss (Olimpus) og það mætti búast við tímamóta ræktunarundri frá þessum stólpa gripum. Það fór nú svo að ekki tókust miklar ástir með klárunum. Limurinn gekk svoleiðis í skrokk á "Pussa" að Pussi var fluttur á bráðamóttuna og er óvíst að hann haldi fylinu.

Helgi er nú á höttunum eftir öðru tilraunadýri sem helst þyrfti að vera fjölkynhneigður gripur en tvíkynhneigður að lágmarki. Þeir sem geta útvegað slíkan grip eru beðnir að hafa samband við

Helga Homeblest@gottbáðumegin.com

 

Heilræði til Helga Homeblest:

 

Ef að þú vilt folald fá,

og forðast ljóta skyssu.

Heillaráð mín þyggðu þá,

Þú skalt nota hryssu.

 

Ef viss þú ert í þinni sök.

og þér ei brestur kraftur.

Ekki virða röfl né rök.

Reyndu Pussa aftur.

 

Kv. Grétar Hallur

Eftir nokkra pósta frá Grétari stórbónda à Kirkjulandi í Reykjavíkurhreppi þar sem sumir kúskar Limsfélagsins fengu àann, sýndi stórbóndinn Limsfélaginu þann stórhug að fóstra flaggskipið um sinn.

Glaumur hetja Geirmundar- og Spunasonur ætlar að kynbæta hryssustofn meðlima í Glaumsfélaginu. Hann mun verða í girðingu á Hoftúnum við Stokkseyri og mun Hjálmar girðinarhaldari taka á móti hryssum næstu tvö kvöld (mánudags- og þriðjudagskvöld). Allir sem ætla að nota Glaum verða að hafa samband við Helga yfirspunameistara í síma 698-8370 eða Hjálmar í Hoftúnum í síma 895-9066.

 

Glaumurinn var útskrifaður af hvíldar og lággjalda búgarðinum á Kirkjulandi sunnudaginn 22. jún fyrir hádegi. Heilsa hans er talin ásættanleg en áhugi hans á þessari einu merartúttu sem hjá honum var eru mér mikil vonbrigði þar sem hún var ú bullandi látum síðustu tvo daga. Helgi hafði hinsvegar ríkari skilning á þessu áhugaleysi og virtist eiga létt með að setja sig í spor folans. Helgi mætti með Gústa lífvörð á hlaðið til mín, þar sem illur á sér ills von, og var hinn kurteisasti. Hannsótti folann og þakkaði fyrir sig. Ekki gat hann þó stillt sig um að hreita hundi í mig þegar hann kvaddi. Hann sagði að spóna pokarnir sem hann hafði fengið hjá mér í allan vetur uppá krít, hefðu allir farið undir minn hlut í Kolfinni sem ég mun hafa eignast hlut í á dögunum !!! Ég er nú ekki betur gefinn en það að ég þakkaði kærlega fyrir viðskiskiptin og kvaddi hann fjöðrum fenginn yfir viðskiptasnilld minni.

Um kvöldið kom svo "Jón Finnur stóðhestefni" með aðra vonarstjörnu á eigin vegum í aldingarðinn á Kirkjulandi. Ég var þá byrjaður að efast um viðskiptasiðferði múrarans og staðfesti" Jón Finnur aldrei á sér" að rapparinn væri slægur og hrekkjóttur en ágætur í hófi.

Af þessu til efni vil ég bjóða "heiðarlegum limum" svo kallað Helgatilboð á spæni. 18 kg spónapoka á 1000 kr í sumar meðan birgðir endast. Óþarfi er að koma með lífvörð með sér en þeir sem byrja á H og enda á elgi ættu að leita tilboða annarstaðar.

ATH. Tiboðið hér að ofan er það eina sem ekki verður hrakið úr pistlinum.

 

Kv Grétar H Þórisson s 6963321

gretar@kirkjuland.is