Forsprakkar og frammámenn Limsfélagsins er ákaflega nútímalegir í skipulagningu og stjórnunarháttum, eins og undirritaður hefur margfundið á eiginn skinni. Slaufunarmenning, jaðarsetning,útskúfun, einelti og hrútskýringar eru þeirra aðalsmerki. Ég fékk s.s. ekkert sms eða aðra tilkynningu um skoðunarferð dagsins, frekar en margir aðrir. Garðar í Órækt rak inn trýnið hjá mér í gær og talaði af sér svo allt komst upp, Ég hringdi í Sigga Svavars sem sagði að það hefðu svo fáir fengið skilaboðin að Helgi Slaufunarmenningarmálaráðherra hefði pantað þrjú Hopp rafmagnshlaupahjól og enn væri laust pláss á einu þeirra. Helgi frá Hrútskýringu hringdi svo í mig og vildi meina að það væru skuggastjórnendur félagsins JFH og fleiri sem létu helst aldrei sjá sig opinberlega sem væru að reyna að fækka þáttakendum í ferðunum og loka á heimsóknir á hestabúgarða og ræktunarbú. Það væri bara allt að hafast hjá þeim. Ég sem hef lengi verið jaðarsettur verð trúlega jarðsettur og aflimaður eftir að hafa lýst meðferðinn á mér og þeirri útilokun sem þarf að þola. Ég óska fyrrum félögum mínum alls hins besta og vona að framtíðin beri skaut sitt fyrir þeim ;-) Grétar grautfúli