Brottför kl.09:30 frá Reiðhöllinni í Viðidal (Limshöllinni)

          M.a.verða heimsóttir tveir yngstu folar Limsfélagsins og tekið hús á einum af                                 áhugaverðari afkvæmahesti ársins

          Nánari upplýsingar og skráinng í s: 698-8370 í  síðasta lagi 03.mars.n.k.

Þegar ég minnist Haraldar Páls Bjarkasonar vinar míns er margt sem kemur fram í hugann.

Halla kynnist ég í Víðidalnum fljótlega eftir að hann og fjölskylda hans fluttu suður úr Skagafirðinum.

En  hugur hans var ætíð í Blönduhlíðinni.  Fjölskyldan staldraði  við á höfuðborgarsvæðinu í fá ár ein.

Halli var of mikill sveitamaður til að una þeim verustað.  Þannig að fjölskyldan flutti á Selfoss þegar sölumannsstarf bauðst hjá Jötunvélum og Halli kom komst í hringiðu landbúnaðarins á ný.  Talandi við og heimsækjandi bændur alla daga.  Þarna var hann  á heimavelli.  Halli og Guðrún kona hans  voru höfðingjar heim að sækja  og vinirnir að norðan oft næturgestir eins og var fram á hinstu stund.

Helsta áhugamál Halla var hestamennska og sérstaklega hrossarækt. Varð hann afasr stoltur þegar hann talaði um gæðingshrossin sín,Keilu,Sokku og Börk fremst á meðal jafningja enda fékk ég símtal frá Herning  á sumri liðnu frá ánægðum ræktanda þegar Börkur Keiluson frá Sólheimum stóð í fremstu röð á HM íslenska hestsins.

Á vordögum 2009 var Limur frá Leiðólfsstöðum keyptur og samnefnt félag varð til með Halla innanborðs . Í einum túrnum í Skagafjörðinn skruppum við   til sveiflukóngsins á Geirmundarstöðum og versluðum Spunasoninn Glaum fyrir félagið, ekki fannst Halla verra að hafa Skagfirskan fola  í  félaginu

Alltaf var Halli boðinn og búinn að hýsa og snúast í kringum Glaum sem ólst upp í nágrenni Selfoss.

Þegar  Glaumur fór  í sinn fyrsta dóm 4 v.með farseðil á L.M.kom Halli með  eftirfarandi textabrot  í farteskinu úr vinnuferð  í Skagafjörðinn , því  hann hafði heimsótt hestaskáldið af því tilefni.

Ólíkum stofnum oft er best að blanda,

ef búa á snillinga til.

Gaumgæfa hlutina ,verkin vanda,

veggi og stafna  og þil.

Láta ei fordóma gæðunum granda,

þá gengur þér  flest allt í vil.

Saman í einingu súpa  á landa

það söngvatn ég vil og ég skil.

Glaumur er Súlu sonur,

með svipmikið Spunabál.

Drengir og kátar konur ,

kneyfi  hér hestaskál.

(Hilmir Jóhannesson)

Eftir góða för Glaums á Landsmót  2014 réttir hann mér skeifurnar undan klárnum með þeim orðum að gera mætti eitthvað skemmtilegt við járnin.

Hugmyndin gripin á lofti og Sigga á Grund fengin til að smíða snilldargripinn Glaumsjárn .

Ógleymanleg er síðasta ferð okkar  Halla og Guðrúnar til Siggu þegar gripurinn var sóttur og Halli þessi stóri maður táraðist af stolti.

Fyrir Laufskálaréttar daginn, síðasta haust ,lagði Halli ofuráherslu á að ég kæmi í réttirnar sem því miður varð ekki  af. Tilgangurinn var ábyggilgega sá að  keyra mig upp á Hólum til að geta stoltur sýnt mér Landsmóts framkvæmdirnar.

Mikið mun ég sakna síma fundanna og samverustundanna.

Yfir moldu skáluðu  félagar Halla yfir vini sínum með  innihaldi Glaumsjárnanna (koníakinu).

Blessuð sé minning Haraldar Páls Bjarkasonar.

 

Helgi Sigurjónsson