Ferðasaga 2011

Strandarhjáleiga/Eystra-Fróðholt

Strandarhjáleiga

Í byrjun mars 2011 var farin velheppnuð vísindaferð á vegum Limsfélagsins og kynbótarnefndar Fáks. Stefnan var tekin á Hvolsvöll til  Þormars Andréssonar og fjölskyldu,ræktunarbús árins 2010 og var ekki að spyrja að stórfjölskyldan tók höfðinglega á móti 40 manna flota með frábærum veitingum ,skreytt flatbrauð og öl og farið var ítarlega yfir ræktun og starfsemi fjölskyldunnar .

Starfsstöðin (hesthúsið) yfirfarin undir leiðsögn Þormars og sona hans Elvars og Heiðars ásamt tamningakonunni Hennu Siren . Að lokum voru okkur sýndir 3 frábærir gæðingar fjölskyldunnar, Ás frá Strandarhjáleigu, Gígja frá Strandarhjáleigu og Oktavía frá Feti. Og var þeim öllum að sjálfsögðu riðið með miklum slætti.

Sæluþáttur ,neinneneinei Sælaþáttur

Út úr þéttbýlinu  héldum við í Suður Landeyjar,neineinei Vestur-Landeyjar,nákvæmlega í Eystra-Fróðholt til Fíu og Sæla,sú fregn hafði borist meðal  ferðalanga að meistari  Daníel Jónsson myndi mæta á svæðið með tilvonandi stjörnur búsins.  Ársæll tók á móti gestum í dyrunum með hressilegu viðmóti  og engu var líkara en ferðaflotinn væri kominn á stóra sviðið ,þvílík var aksjónin strax.

Folöld spiklandi fram og og aftur og gæðingum  riðið um hlaðið. Bóndinn var strax komin í fluggír,krafðist þess að fólk fengi sér veitingar í fyrstu stíu um leið og hann byrjaði að snara fyrsta tryppið til sýningar. Tekin voru út 3-4 folöld,hvert á fætur öðru og rekin með tilþrifum um hlaðið ,vakti sértaka athygli jarpt merfolald undan ofurhryssunni Glímu frá Bakkakoti og Stála frá Kjarri  og að því loknu var farið að huga að gæðingareið

Daníel lagði á Óðin og Sæli dró fram mánaðartamin 3v. fola,snillingin Arion ,báðir að sjálfsögðu Sæs synir.

Og leyndi sér ekki að þar voru miklir snillingar á ferð bæði menn og hestar.

Stórsýningunni lauk á því að lagt var á stóðhestinn Penna og hryssuna Spá sem er alsystir Glímu og Arions.

Ef ég væri ríkur ...........diridiridiridiridiridi diri diri  dí

Limsverjarar og Fákarar þakka kærlega fyrir sig.

(HS)